Ազգային ժողովը քննարկում է «Զինվորական ծառայության և զինծառայողի կարգավիճակի մասին» օրենքում նախատեսվող փոփոխությունների նախագիծը առաջին ընթերցմամբ ընդունելու մասին հարցը:
«2025 թվականի ձմեռային զորակոչի շրջանակներում զինված ուժերի համալրումը սկսելու է 2026 թվականի հունվարի 7-ից, որի արդյունքում 18-ամսյա ժամկետով ծառայություն են իրականացնելու 2025 թվականի ձմեռային զորակոչից սկսած պարտադիր զինվորական ծառայության զորակոչված քաղաքացիները», - հայտարարեց պաշտպանության նախարար Սուրեն Պապիկյանը:
Նախարարն ընդգծեց, որ ծառայության ժամկետի կրճատումը չի տարածվելու 2026 թվականի հունվարի 1-ի դրությամբ պարտադիր զինվորական ծառայության մեջ գտնվող զինծառայողների վրա:
Ազգային ժողովի պաշտպանության և անվտանգության հարցերի մշտական հանձնաժողովն անցած ամիս էր հաստատել «Զինվորական ծառայության և զինծառայողի կարգավիճակի մասին» օրենքում նախատեսվող փոփոխությունների նախագիծը:
ԿԱՐԴԱՑԵՔ ՆԱԵՎ ԱԺ Պաշտպանության հանձնաժողովը հաստատեց զինծառայությունը կրճատելու մասին նախագիծը