Հերքումից մինչև ցուցադրություն. Հյուսիսային Կորեան փառաբանում է Ուկրաինայի դեմ պայքարը

Մոսկվայում հոկտեմբերի 8-ին անցկացված հյուսիսկորեական արվեստի ցուցահանդեսում ներկայացված կտավն է՝ վերնագրված «Իմ անգին կյանքը նվիրելով»։

Այս նկարը ցուցահանդեսի աշխատանքներից մեկն է, որտեղ պատկերված են հյուսիսկորեացի զինվորներ, որոնց բերել են ռուս-ուկրաինական պատերազմում Ուկրաինայի զորքերի դեմ կռվելու:

«Նույն խրամատում». այսպես է վերնագրված հյուսիսկորեացի և ռուս զինվորներին պատկերող այս նկարը:

«Մեծ ժողովրդի երկիրը» կոչվող քարոզչական ցուցահանդեսը ներկայացված է Մոսկվայի Դեկորատիվ արվեստի համառուսաստանյան թանգարանում:

Կտավը վերնագրված է՝ «Խանդավառություն մեծ հաջողությունից»:

Թե՛ Մոսկվան, և թե՛ Փհենյանը սկզբում հերքեցին Հարավային Կորեայի հետախուզության 2024-ի հոկտեմբերին արված այն հրապարակումները, որոնցում պնդում էին, թե հյուսիսկորեացի զինվորները կռվում են ռուսների կողքին։ Կրեմլի խոսնակ Դմիտրի Պեսկովը դրանք որակել էր որպես «հերթական կեղծ լուր»։

Կտավը վերնագրված է «Մարտական ընկերոջ համար»։

Աճող ապացույցների ֆոնին՝ Մոսկվան ապրիլին ընդունեց, որ հյուսիսկորեացիները կռվել են Ռուսաստանի Կուրսկի շրջանում՝ Ուկրաինայի ներթափանցման դեմ։

Հյուսիսկորեացի զբոսաշրջիկները քայլում են մի կտավի կողքով, որը վերնագրված է «Հայրենիքի արժանապատվության և պատվի հերոսական մարտիկները»։

Վերևի ձախ անկյունում կարծես թե ուղղափառ եկեղեցու գմբեթներ են տեսանելի։

ՌԴ նախագահ Վլադիմիր Պուտինի և Հյուսիսային Կորեայի ղեկավար Կիմ Չեն Ընի լուսանկարը՝ ցուցահանդեսում:

Հյուսիսային Կորեայի առաջնորդ Կիմ Չեն Ընը՝ Փհենյանում գտնվող հուշապատի մոտ, որը նվիրված է Ռուսաստանի Կուրսկի մարզի մարտերում զոհված 101 զինվորների հիշատակին։ Լուսանկարը հրապարակվել է օգոստոսին։

Հարավային Կորեան, վկայակոչելով հետախուզական տվյալները՝ հաղորդել է, որ Կուրսկի մարզում Ուկրաինայի զինված ուժերի հետ մարտերում մոտ 2000 հյուսիսկորեացի զինվոր է զոհվել:

«Մեր ուժը՝ «Պադասուրի 6» հրթիռը» անվամբ նկարը՝ մոսկովյան ցուցահանդեսում

Կուրսկում ընթացող պատերազմը պատկերող նկարների հետ մեկտեղ ցուցահանդեսում ներկայացված են նաև լանդշաֆտներ, հյուսիսկորեական ռազմական տեխնիկա և իդեալականացված առօրյա կյանքը՝ ավտորիտար երկրում։

Մոսկվայի ցուցահանդեսի այցելուները

Ռուսների արձագանքը արվեստի ցուցադրությանը տարբեր է եղել. մեկը նրբորեն քննադատել է նկարների պարծենկոտությունը: Մեկ այլ երիտասարդ այցելու էլ լրագրողին ասել է, թե ակնկալում է, որ Մոսկվա-Փհենյան դաշինքը կարճատև կլինի և կշարունակվի «միայն Ուկրաինայում պատերազմի ժամանակ»։