Մի խումբ ամերիկացի գեներալներ՝ ԱՄՆ բանակի նախարար Դենիել Դրիսկոլի գլխավորությամբ, մոտ ժամանակներս կարող են ժամանել Մոսկվա՝ քննարկելու Միացյալ Նահանգների նախագահ Դոնալդ Թրամփի խաղաղության պլանը, գրում է The Guardian-ը՝ վկայակոչելով իր աղբյուրները: Ըստ պարբերականի՝ այցը կարող է կայանալ եկող շաբաթվա վերջին:
The Guardian-ի տվյալներով՝ Թրամփը Դրիսկոլին Ուկրաինայի հարցով իր նոր հատուկ ներկայացուցիչ է նշանակել: Հրատարակությունը չի հստակեցնում՝ արդյո՞ք Դրիսկոլը փոխարինելու է ներկայիս հատուկ ներկայացուցիչ Քիթ Քելլոգին, որը մտադիր էր թողնել այդ պաշտոնը 2026 թվականի հունվարին, թե՞ նրանք զուգահեռ են աշխատելու:
Դրիսկոլը Միացյալ Նահանգների փոխնախագահ Ջեյ Դի Վենսի ընկերն է և համադասարանցին, Բանակի նախարարությունը ղեկավարում է փետրվարից:
Նոյեմբերի 20-ին Դրիսկոլի գլխավորած պատվիրակությունը Կիևում Ուկրաինայի նախագահ Վլադիմիր Զելենսկուն ներկայացրեց ամերիկյան խաղաղ պլանը: