Մարտի 22-ին ժամը 15-ի սահմաններում կրակոցներ են հնչել Ազգային ժողովի տարածքում` Բաղրամյան փողոցի մուտքի մոտ: Տվյալ մուտքից փորձել է խորհրդարանի շենքի տարածք մուտք գործել դանակով զինված մի երիտասարդ, որը չի ենթարկվել անվտանգության աշխատակիցների հրահանգներին եւ ագրեսիվ վարք է դրսեւորել, հայտարարելով` «Ես Հիսուս Քրիստոսն եմ»: Անվտանգության աշխատակիցները ստիպված են եղել կրակել` ի վերջո վիրավորելով նրան: