Նախագահի ուղերձը, ըստ վարչապետի, «նոր էջ բացեց հայ-թուրքական հարաբերություններում»
«Կարծում եմ, քաղաքական հարթության մեջ Հայաստանի կողմից բոլոր անհրաժեշտ քայլերն արդեն իրականացվել են, եւ պահն է, որ Հայաստանի ու Թուրքիայի նախագահները դրսեւորեն քաղաքական կամք եւ գնան առաջ` վավերացնելով արձանագրություններն ու բացելով երկու երկրների միջեւ եղած սահմանը», - մեկնաբանելով նախագահ Սերժ Սարգսյանի` Աբդուլա Գյուլին հղած վերջին ուղերձը՝ ուրբաթ օրը Հայաստանում ամերիկյան առեւտրային պալատի եւ Միացյալ Նահանգների դեսպանատան կազմակերպած քննարկումների ժամանակ հայտարարեց Հայաստանի վարչապետ Տիգրան Սարգսյանը։
