Հայաստանի և Թուրքիայի միջև սահմանի ամբողջական բացումը հաջորդ կարևոր օղակն է, որը կամբողջացնի տարածաշրջանի վերափոխման գործընթացը, Վիեննայում ԵԱՀԿ նախարարական խորհրդի հանդիպմանն ասել է արտգործնախարար Արարատ Միրզոյանը:
«Մենք ակտիվորեն շարունակում ենք Թուրքիայի հետ երկկողմ հարաբերությունների լիարժեք կարգավորմանն ուղղված երկխոսությունը», - նշել է նախարարը։
Նախորդ շաբաթ Հայաստանի և Թուրքիայի ներկայացուցիչներն անցկացրել են Գյումրի-Կարս երկաթգծի վերականգնման և շահագործմանն ուղղված տեխնիկական քննարկումների երկրորդ փուլը:
Վարչապետ Նիկոլ Փաշինյանը հոկտեմբերին հայտարարել էր, որ Թուրքիայի հետ Հայաստանի ծավալած դրական երկխոսությունը հույս է տալիս, որ առաջիկայում կարող ենք հայ-թուրքական սահմանի բացում ունենալ:
Թուրքիայի արտաքին գործերի նախարար Հաքան Ֆիդանն էլ հայտարարել էր՝ երբ Երևանն ու Բաքուն ստորագրեն վերջնական խաղաղության համաձայնագիր, Անկարան պատրաստ կլինի կարգավորել հարաբերությունները Հայաստանի հետ:
Միրզոյանը հիշատակել է նաև վաշինգտոնյան պայմանավորվածությունները ԱՄՆ-ի ու Ադրբեջանի հետ՝ նշելով, որ այդ հանդիպումը նաև իրական հնարավորությունների պատուհան է բացել Հայաստանի և Ադրբեջանի միջև հաղորդակցությունների ապաշրջափակման համար:
ԿԱՐԴԱՑԵՔ ՆԱԵՎ Bloomberg. Թուրքիան ծանրութեթև է անում ՀՀ-ի հետ ցամաքային սահմանն առաջիկա 6 ամիսների ընթացքում վերաբացելու հարցը ԿԱՐԴԱՑԵՔ ՆԱԵՎ «Մենք կակտիվացնենք աշխատանքներն՝ աջակցելու Հայաստանի և Ադրբեջանի միջև խաղաղության համաձայնագրին». Կոս